KDT-TL mak organizasaun ida-ne’ebé harii husi ema hó defisiénsia tilun sira atu sai nu’udar organizasaun baze ba ema ho defisiénsia rona no ko’alia. KDT-TL estabelese iha 5 Fevereiru 2018 iha Suku Bairo-Pite.
KDT-TL ninian aréa servisu mak edukasaun naun-formál espesifikamente formasaun kona-ba lían jestuál ba ema ho defisiénsia tilun inklui loke kursu ba ema sira ne’ebé hakarak aprende lian jestuál no prátika lian jestuál hanesan manorin, reporter televizaun sira no ema sira ne’ebé hakarak sai tradutór lian jestuál.
Misaun
1. Promove no dezenvolve lian jestuál ba ema ho defisiénsia tilun.
2. Hala’o kna’ar hanesan sentru atendementu no kapasitasaun ba ema ho defisiénsia tilun.
3. Advokasia ba asesu edukasaun empregu, saúde, justisa no seluk tan.
4. Garante diretu ema ho defisiénsia tilun hodi hetan protesaun husi entidade hotu- hotu.
Vizaun
Ema ho defisiénsia tilun hotu iha direitu ba protesaun no partisipativu iha inkluzaun sosiál no moris di’ak.
Programa no atividade
1. Edukasaun no formasaun lian jestuál ba ema ho defisiénsia tilun hodi bele asessu ba edukasaun, empregu, saúde, justisa, no seluk tan.
2. Fornese formasaun no kapasitasaun ba ema ho defisiénsia tilun no ema lahó defisiénsia ne’ebé interese atu aprende no prátika lian jestuál.
Númeru kliente ne’ebé hetan ona atendimentu liu ona ema na’in 75 iha munisípiu hotu.
