Asosiasaun Joventude Luta Hamutuk Ba Futuru Saúde Timor-Leste (JLHFS-TL)
JLHFS-TL hanesan organizasaun naun- governmentál ne’ebé estabelese iha tinan 2019 no komesa nia kna’ar iha munisipiu Dili no Aileu, no sei haluan kobertura ba munisipiu 13 inklui RAEOA. JLHFS- TL hanesan asosiasaun ho nian rekursu umanu profesional atu atende ema ho defisiénsia mental. Atividade prinsipál husi organizasaun ida-ne’e mak hala’o sosializasaun kona-ba saúde mentál no apoiu nesesidade báziku ba ema ho defisiénsia mentál iha dalan-ninin.
Misaun
1. Harii sentru reabilitasaun ba ema ho defisiénsia mentál.
2. Loke klínika atu bele atende ema moras mentál.
3. Apoiu joventude ema ho defisiénsia mentál sira husi trauma no halakon estigma no diskriminasaun.
4. Halo advokásia ba kliente no familia sira hanesan dalan ba tratamentu saúde mental no phisikososiál, no; kapasita ema ho problema saúde mental liuhusi atividade artezenatu no atividade kriatividade sira seluk.
Programa no atividade
1. Saúde.
2. Edukasaun.
3. Desportu.
4. Arte no kultura.
5. Protesaun ba labarik.
Típu servisu
1. Atendimentu no fornese apoiu ba kliente ho saúde mentál.
2. Promosaun ba saúde mentál iha eskola no komunidade.
3. Fornese kursu ho língua inglés ba komunidade.
4. Kria jogo amizade entre joven sira iha aldeia 12 de Outubru ba taxa rotativa JLHFS-TL kada tinan.
Husi tempu harii atende ona kliente liu ema na’in 75 iha aréa kobertura nasionál.
