ANBF mak organizasaun ida-ne’ebé estabelese iha Janeiru tinan 2017 ho objetivu atu fornese servisu ba ema ho defisiénsia liuhusi empoderamentu ekonómia, atividade agrikultura no mós edukasaun naun-formál.
Misaun
Atu kria atividade empoderamentu ekonómia hanesan instrumentu hodi tulun ema ho defisiénsia hakotu an husi siklu kiak, edukasaun, no mós promove ema
ho defisiénsia sira-nia direitu umanu hodi partisipa efetivu iha sosiedade Timor-Leste.
Programa no atividade
Hala’o edukasaun, empoderamentu ekonómia no agrikultura. ANBF atende kliente liu ema na’in 75 iha munisípiu hotu.
Típu Servisu
1. Fornese treinamentu vokasionál ba ema ho defisiénsia liuhusi edukasaun naun- formál foka ba kursu língua, komputador no lideransa inklui halo formasaun kona-ba jestaun hodi prepara ema ho defisiénsia ba ezame ekivalénsia.
2. Promove direitu asesu ba edukasaun inkluzivu.
3. Hala’o atividade reabilitasaun baze- komunitária / Community-Based Rehabilitation (CBR), kria grupu hakbi’it an rasik no negósiu.
4. Advokásia, atividade ortikultura, agrofloresta, no agronegósiu.
