ETBU mak organizasaun ida-ne’ebé define an hanesan organizasaun baze ba ema ho defisiénsia matan no koñese hanesan organizasaun uluk liu ne’ebé estabelese husi ema ho defisiénsia matan sira iha tinan 2004.
Misaun
Atu hakbi’it ema hó defisiénsia matan ne’ebé lá hetan formasaun ka ema hó defisiénsia matan ne’ebé fraku bele sai forte no independente iha nia moris bá futuru no iha orientasaun no optimista bá moris ne’ebé dinámiku.
Vizaun
Dezenvolve rikeza husi ema defisiénsia matan, hasa’e sira-nia valór no dignidade hanesan ho ema la-ho defisiénsia matan sira.
Programa no atividade
1. Formasaun letra braile ho espesiálidade ba hakerek no lee hodi tulun ema ho defisiénsia asesu ba eskola.
2. Halo formasaun eskola seniór molok integra ba ensinu rekorente.
3. Formasaun kona-ba mobilidade uza ai-tonka inklui promove arte, kultura no desportu ba ema ho defisiénsia matan
4. Formasaun komputadór no internet.
Típu servisu
1. Formasaun letra braille ba ema hó defisiénsia matan.
2. Formasaun mobilidade ba ema hó defisiénsia matan atu bele moris independente.
3. Formasaun vokasionál ba ema hó defisiénsia matan atu bele hatene utiliza komputadór no bele asesu bá mídia sosiál.
4. Formasaun lideransa ba ema hó defisiénsia matan hodi hasa’e kuiñesimentu.
Durante estabelese halo ona atendimentu ba ema ho defisiénsia matan liu atus ida ho aréa kobertura nasionál to’o postu sira.
