Fundasaun Ahisaun mak organizasaun ne’ebé estabelese iha tinan 2000 ho kna’ar espesífiku ba ema ho defisiénsia liuhusi formasaun no kapasitasaun hodi prepara ema ho defisiénsia atu bele lidera rasik servisu atendimentu ba ema ho defisiénsia. Hamutuk ema na’in 140 mak formadu husi programa sira ne’ebé Ahisaun hala’o no entre sira na’in 29 mak servisu ona iha instituisaun públiku sira.
Misaun
1. Hasa’e fiar an ba ema defisiénsia sira no ajuda sira atu simu an.
2. Hasa’e kapasidade ema defisiénsia nian iha area administrasaun no língua.
3. Hasa’e kreatividade ema ho defisiénsia nian liuhusi desenvolve sira-nia hanoin, aumenta abilidade manuál iha língua no administrasaun inklui arte no kultura.
Vizaun
Ema ho defisiénsia iha abilidade ne’ebé boot, hetan respeitu no dezenvolve an liuhusi formasaun ne’ebé iha kontinuasaun.
Programa no atividade
1. Formasaun komputador inklui ITC.
2. Formasaun língua Inglés.
3. Formasaun administrasaun.
4. Fornese bolsa estudu.
5. Formasaun kona-ba agrikultura.
Organizasaun ida-ne’e halo ona atendimentu ba ema liu atus ida iha kobertura nasionál to’o aréa remota sira.
