PRADET estabelese iha tinan 2002 ho objetivu hodi fornese asisténsia psikososiál, akonselamentu no tratamentu saúde mentál ba ema ne’ebé trauma, problema saúde mentál no psikososiál sira seluk tan.
Misaun
Hametin relasaun servisu ho instituisaun governu, parseiru sira, sosiedade sivil, instituisaun relijioza, setór privadu no komunidade hodi fornese apoiu psikososiál integradu no lalais ba ema vulnerável sira ne’ebé esperiénsia problema psikososiál iha Timor-Leste.
Vizaun
Sidadaun hotu iha Timor-Leste hetan kuidadu no hetan protesaun husi problema psikososiál liuliu sira ne’ebé hasoru problema estrese, trauma, violénsia, problema saúde mentál no problema psikolojia sira seluk.
Programa ho atividade
1. Fornese asisténsia ba moras mental liuhusi programa PAMM.
2. Fatin Hakmatek/FH.
3. Tau-Matan/Counter Trafficking Program.
4. KOKOSA - Komesa Konseinsia Suporta no Asaun.
5. SEEP - Support Economic Empowerment Program
6. GEP girls empowerment programs
Típu servisu
1. Fornese atendimentu lalais ba ema ho moras mentál abandonada iha dalan- ninin.
2. Akonselamentu psikososiál.
3. Servisu hamutuk ho parte saúde mentál hodi halo referal no reintegrasaun komunitária.
PRADET husi tempu estabelese atende ona kliente liu ema atus rua ho aréa kobertura servisu iha nasionál inklui RAEOA liuhusi servisu besik ho Seksaun Saúde Mentál, Departementu Psikiatria iha HNGV, membru komité orientadór saúde mentál sira, PNTL, ofisiál SSS no jestór kazu saúde mental mental health case manager sira iha munisípiu hotu.
