AHDMTL mak organizasaun ne’ebé harii no lidera husi ema ho defisiénsia matan no hala’o ona misaun liu tinan 10 ho kna’ar fornese apoiu ema ho defisiénsia matan.
Misaun
1. Promove direitu ema ho defisíénsia matan atu bele asesu libre lahó diskriminasaun ba edukasaun formál ho naun-formál, formasaun empregu no kompetisaun iha merkadu laborál.
2. Hasa’e konxiensia públiku kona-ba ema ho defisíénsia matan sira-nia direitu ba asesibilidade, tratamentu saúde, protesaun husi lei, relasaun família no partisipasaun iha moris públiku.
3. Hakbi’it no apoiu ema ho defisíénsia matan hodi asesu ba atividade ekonómia ne’ebé orientada ba hakbi’it ekonómia família.
Vizaun
Iha sosiedade ida ne’ebé akontese mudansa atitude individuu, família no komunidade hasoru ema ho defisiénsia matan, atu moris independente iha aspetu hotu husi moris ekonómia, hetan respetu no proteze husi estadu.
Programa no atividade
1. Edukasaun no Kapasitasaun.
2. Advokasia.
3. Peskiza.
4. Promove Inkluzaun Sosiál.
5. Koperativa.
6. Hakbi’it instituisaun.
Típu servisu
1. Halo formasaun edukasaun formál ho naun-formál.
2. Apoiu kapitál hodi sai membru kooperativa.
3. Prodúz ekipamentu/aparellu/assistive devices.
4. Fornese hela-fatin no alojamentu gratuita ba ema ho defisiénsia matan.
5. Apoiu hodi hetan asisténsia legál gratuita.
6. Arte, kultura no desportu.
AHDMTL hetan apoiu finanseiru no tékniku husi ISS-MSSI, PLAN Internasionál, Embassada Japaun, HIVOS no World Vision no atende ona kliente liu ema na’in 75 iha kobertura servisu nasionál.
