CRLH mak organizasaun nia baze iha Suku Hera munisípiu Dili. Hahú nia misaun iha dia 9 Marsu 2021 hanesan organizasaun ida-ne’ebé espesializasaun iha aréa rehabilitasaun baze-komunitária no fizioterapia.
Misaun
Atu hakbi’it ema ho defisiénsia hodi halakon estigma no diskriminasaun iha sosiedade nia leet ho objetivu atu segura ema ho defisiénsia bele partisipa ativu iha vida komunitária.
Vizaun
Hamutuk ho komunidade harii sosiedade ida ne’ebé inkluzivu lahó diskriminasaun.
Programa no atividade
1. Reabilitasaun no fizioterapia.
2. Edukasaun no hala’o reabilitasaun baze-komunitária /community-based rehabilitasaun (CBR).
Númeru kliente ne’ebé CRLH atende liu ona ema 75 iha Suku Hera.
Típu servisu
1. Terápia ba ema ho defisiénsia fíziku.
2. Hanorin lian jestuál ba ema ho defisiénsia tilun ba labarik sira ne’ebé hakotu sedu eskola no sira ne’ebé ho problema intelektuál liuhusi hanorin hakerek no lee, pinta no sura.
3. Vizita ba uma hodi eduka família oinsá atu kuidadu sira-nia membru família ne’ebé defisiente no halo terapia báziku ba ema ho defisiénsia.
